jueves, 22 de marzo de 2012

Festival Folklórico Valdelacalzada en flor

Vos traigu los vidius hechus en colavoración cola associación 'Santiago Béjar' de tamborilerus, que vesitarun Val-dela-Calçá en el su III Festival Folklórico Valdelacalzada en Flor
Anduvun tol día a tocal pola praça i entre conciertu i conciertu delos grupus de folk. Amás hizun dos passacallis, unu ala mañana i otru ala tardi. Esperu que vos gusti.





Lo mejol es el passacallis pola calli La Puebla, Ronda Salienti i Calli la Luna, andi poeis vél mejol la decoración las callis i el ambienti que avía.

 


El OSCEC apuesta pola presencia la música populal i la su divulgación por tolos medius possiblis. Dendi aquí damus las gracias alos tamborilerus de 'Santiago Béjar' que vinun dendi'l norti estremeñu a enllenal colos sonis del tamboril i la gaita las callis dun puebru nuevu, ajuntandu tradición musical con naturaleza.

No hay comentarios:

Publicar un comentario