miércoles, 8 de agosto de 2012

Día del estremeñu en Ríu-Lobus

Mañana juevis día 9 d'agostu Ríu-Lobus celebra el día del estremeñu con musotrus. Es una propuesta que dendi el OSCEC amus hechu al Ayuntamientu i Casa de Coltura del lugal i que mañana pola nochi vá a cumpril-si.


Dientru dela pogramación dela Semana Coltural, el OSCEC quiel revindical la presencia la coltura tradicional estremeña i compartí-la entre los riulobeñus. 

Los actus prencipiarán a partil delas 22:00 en el ecenariu la praça, ondi hadremus una defensa dela coltura estremeña, recitaremus en estremeñu testus d'autoris sonaus i d'autoris nuevus (a vel si s'anima tamién algún vezinu a echal alguna poesía tamién!) i amás contaremus colos sonis que mos trai el tamboreru Txebe dendi El Rebollal

Amás, mos acompañarán los ermanus Herrero Uceda que ván a apregonal el su nuevu libru Mi Extremadura.

Vá a sel una nochi buena en compaña delos riulobeñus. Mos vedremus pallí!

No hay comentarios:

Publicar un comentario