jueves, 30 de agosto de 2012

Participación ena revista de feria de Montiju

Ismael Carmona á colavorau ena revista de ferias de Montiju, que esti añu hazi el 150 aniversariu dela juntura dela feria de ganau conas fiestas patronalis. Por mó d'esta ocassión, el diseñu i la composición la revista á síu mu cudiá, asseñalandu el gran númiru d'endilgus que en ella ai a tentu la coltura i tamién la conclusión de retratus antiguus: García Cienfuegos, Jerez Linde, Melara Bautista, Rodríguez Pastor o Molano Gragera escrivin a tentu dela estoria i coltura de Montiju i dela comarca.


Simoes, Pantoja i García Cienfuegos (retratu Crónicas de un pueblo)


Ayel nochi presentarun en el Teatro Municipal de Montiju la revista, ondi palrarun el concejal de coltura, el alcaldi i Manuel García Cienfuegos, diretol dela revista. Manuel espricó el conteníu detallámenti, refiriendu tamién la colavoración del OSCEC con el artículu El barrilino del que leyó una frasezina. 


Letreru de feria i portá dela revista.
El santu trai la igresia, la montijana con el tragi provinciu i el escúu

Más enteracionis, en el endilgu de Crónicas de un pueblo.

No hay comentarios:

Publicar un comentario