martes, 26 de noviembre de 2013

Estrenu de Territoriu de bandolerus enos Mairilis

Esti 23 de noviembri, dispués de roal por toa Estremaúra, aballó palos Mairilis Territoriu de bandolerus. El estrenu hue en el Teatro Goya i polas corónicas, que los assientus s'enllenarun, vendiendu más de 600 entrás.

La Esmeralda, biembru del OSCEC, púu assestil comu representanti dela nuestra associación. Mos cuenta que saluó los serraillanus protagonistas, entre ellus la Pilar Cobos, dela associación El Duendi: en cata delo nuestru. Velaquí unas retrataúras que mos manda.
Letreru'l teatru


Entrada, unas delas últimas vendías


Pantalla alo primeru






La Esmeralda con el Cabrerín
Tamién tienin puestus angunus vidius del estrenu, vos queu angunus dela penícula i de quandu palra el Néstor i José Antonio Agúndez. 



Los serraillanus están enseñandu al mundu que quandu se quieri, se puei, que si las gentis s'avoluntan pa hazel cosas se puei llegal a estrenal una penícula enos Mairilis i se puei lleval el estremeñu más pallá dela Estremaúra. La nuestra coltura, el afán dun puebru, passa las lindis i los que acuyerun la otra nochi al estrenu, bien sabin delo que semus escapás delos estremeñus. Norabuena alos serraillanus i ala associación el Duendi, que dendi lo pocu llegan alo muchu, bagu a bagu enllenan el pajal.

No hay comentarios:

Publicar un comentario