lunes, 6 de octubre de 2014

Otru fin-de-semana que andamus alas lanas

Esti fin-de-semana, días entrillaus pala huerça dela genti, el OSCEC se reparti nuevamienti por Estremaúra pa esparramal lo estremeñu.

El juevis pola mañana, el tesoreru dela nuestra associación, Bienvenido Gutierro, junta otrus biembrus dela Associación Coltural Pablo Gonzálvez, palraran del estremeñu alos alunus del CEIP Nuestra Señora de Guadalupe de Miajás. Amás incruirán un recital de poesía en estremeñu.

Al sotru día, el viernis día 10, el presidenti, Ismael Carmona dará una chalra en el puebru de Guaxira, junta Lobón, andi tenteará la custión dela lengua enos puebrus nuevus, estau de conservación i prencipalis peligrus pal su futuru. La chalra sedrá alas 18:00 en el ayuntamientu.





El sábau Juan José Martínez, recitaol del Montiju i biembru del OSCEC, assestirá ala seman coltural guaxireña a echal poesías en estremeñu alas 18:00 oras. 

El OSCEC assestirá essi mesmu sábau ala presentación del discu Venticincu, hechu pol agrupamientu garrobillanu Alonso de Mendoza i en el que amus calavorau ena tradución del librinu del discu. El actu es alas 21:00 ena Casa de Coltura dela Garrobilla.

No hay comentarios:

Publicar un comentario